Profilo autori

Quantu staci chiancennu
‘nta ‘stu mumentu lu
me cori. Lacrimi di sangu,
pi ‘st’omini senza unuri.
Tantu amuri, tanti patimenti,
tantu affettu, e poi,
affunnunu, nta lu pettu,
senza rispettu, ‘nu cuteddu.
‘Nta li notti cumplici assicutunu
e strinciunu ‘nta na morsa
assassina,la povira fimmina,
vittima di ‘n’ amuri sbagghiatu
e malatu. 
Oramai troppi omini fora di testa, 
troppi omini carnefici,
troppi matri scunsulati
chianciunu, ‘n nomi 
d’ ‘un russu amuri.
Oh poviri svinturati,
pi sempri manciati 
terra e lassati, 
duluri e chiantii.