Profilo autori

'O silenzio parla!
Quanti pparole doce ca sento.
Quanne 'o core mio parla,
attuorno tutto tace...
'A luce 'e 'na cannela,
addeventa 'nu raggio 'e luna. ..
Sta stanza se schiara.
Sent' 'o core 
ca sbatte chjanu chiano,
doce doce...
Allintrasatte,
quann' 'e pparole 'e ll'anema
asciugane sti' llacreme,
accarezzanne sta faccia,
facenne accumpare'
annanz' all'uocchje
'e desiderie 'e 'na vita...
Quanne io 
vedo ca si lluntano,
t'astregne forte 'ncopp' a stu core...
sent' mille emozion'
d' 'e ccose passate
'nzieme cu te.
Quanne doce me parle,
e sta vocca cucente
me vase , m'arign' 'e carezze 
e cchjù fforte
'a passione addeventa,
me sent'
ca scorre 'nfunn' a stu sciumme:
comme a 'na passione,
ca forte,
mme porta 'nfino a mmare.