Profilo autori

Scenne lenta lenta, chianu chianu:
nun le piace pe nniente e fà rummore.
Cummoglia chello ca vede, gela 'e mmane, 
tegne e votta 'o gghianco, addò se trova.

'Lle piace e cummiglia' cu 'na carezza, 
a cimma, 'o tetto, e cianche d'ê mmuntagne.
Mentre nisciuno sente, essa scennenno, 
va pittanno, arbere e ffoglie sulagne.

S'affonna dint'ô manto tutto 'mbiancato, 
'nu pede lento ca cammina a stiento.
Addò tutto è cceleste, n'astro 'a cielo 
và vuttanne 'nterra ragge argiento.

Vugliosa e fremmenno, assaporo 'a neve:
'ncuorpo 'na passiona volle cucente, 
'nu ciuocco mme dà 'nu tremmore lieve,
è 'nu brivido d'ammore: nunn'è freve...