Profilo autori

Ce sta chi se sbatte sano sano e 'nun sta quieto, 
chi te 'mbroglia, spacciannese p'acqua cheta, 
chi campa d'aria e tene 'e ppignetelle 'ncapa, 
chi è troppo fesso: nun se mporta e nun 'o ssape. 
Chi dice continuamente e sempe: "biato a te!" 
e chi 'nvece pensa: "cca, nisciuno è meglio 'e me!" 
J' crere ca putesseme essere biate tutte quante, 
si aiutasseme chi sta addereto a passa' annanze. 
È assaje bbiato chi riesce a suna' ll'arpe cu 'e ffoglie, 
chi se 'nammora spisso o quanno Cupido 'o coglje, 
chi s'arrobba piezze 'e ciele celeste pe nne fa mante 
e chi sape canta', suna', abballa' e se nn'avvanta. 
Bbiato è pure chi sape vede' tutte 'e ccose belle. 
Chi campa sulo 'e suonne e se sazia e lampetelle. 
E' bbiato pure chi è aveto poco cchiù 'e 'na spanna 
pe nun parla' e chi se votta a mmare cu tutt'ê panne. 
Ognuno è bbiato, si s'accuntenta e sta appaciato. 
Ma si tutte quante vonno fa 'e splendide, 'e brillante, 
pure 'mparaviso farranno a ggara a chi è chiù santo?